30 қыркүйек күні мектебімізде «Қарттар күні» және "Ұстаз-аты мәңгілік, жадымда қалар жаңғырып"  атты екі бірдей мереке атап өтілді. Бұл күні мектебіміздің жиын залында мерекеге арналған әдеби музыкалық кеш ұйымдастырылды. Кешке тыл еңбеккерлері мен ардагер ұстаздар шақырылды. Атап айтар болсақ: Корчагина Вера Спиридоновна, Аканеева Флюра Харисовна, Качура Лидия Ивановна, Умирзакова Рысбала  Каламовна. Кешіміздің сәні де, әні де қарт ұстаздар болды. Мерекеге мектебімізде ата-аналар комитетінің шешімі бойынша 28-қыркүйекте «Күзгі жәрмеңке» өткізілген болатын. Осы жәрмеңкеден түскен қаражатқа мектебімізге бөлінген 16 ардагерге сыйлықтар алынды. Мектеп оқушылары аталмыш мерекеге бар өнерлерін сарқып төгіп, көтеріңкі көңіл - күй сыйлап, әзіл - сықақ, ән мен биден, жырдан шашу етті. Келген қарт ұстаздар мен тыл еңбеккері, мектебіміздің ұстаздары ризашылықтарын білдірді. Соңында ол кісілерге ерен еңбектері үшін қошемет көрсетіп, сыйлықтарын табыстап, үлкен құрметпен шығарып салынды.

"Ұстаз-аты мәңгілік, жадымда қалар жаңғырып" атты мерекелік кешінде оқушылар концерті ұйымдастырылды.

Авторство: