Өзіндік білім көтеру- ұстаздық шеберлікті арттыруға  апаратын  жол

«Мұғалім үздіксіз ізденіп,жетіліп отырғанда ғана мұғалім,

     ізденуі тоқтаған сәтте оның мұғалімдігі де жойылады.»              

  (К.Ушинский)

   2018 жылдың 4қаңтарында Қарағанды облысы білім беруді дамытудың оқу-әдістемелік орталығында  әдіскер Г.Г.Мукушеваның ұйымдастыруымен қаламыздағы «№93гимназия»КММ-нің мұғалімдері Б.Х.Мухамеджанова, А.М.Тұрсынова, Б.Н.Сердалина, Г.Ж.Сейтенова, С.Айтбайқызы облыс көлемінен жиналған бастауыш мектеп мұғалімдеріне «Өзіндік білім көтеру- ұстаздық шеберлікті арттыруға  апаратын  жол» тақырыбындасеминар өткізді. Семинардың мақсаты - педагогикалық шеберлікті және біліктілікті арттыру мақсатында өзіндік білім жетілдіру іс-шараларын ұйымдастыруда мұғалімдердің қажеттіліктерін қалыптастыру.

   Семинарды  ҚО БД ОӘО әдіскері Г.Г.Мукашева ашып берді.

Семинарға тәжірибе алмасу мақсатымен  Қарқаралы, Шет, Бұхар-жырау, Саран, Жаңаарқа  аудандарынан 25 мұғалім қатысты. Семинар 4 бөлім бойынша өткізілді.

  Бірінші бөлімде «№93 гимназия» КММ-нің директордың оқу-әдістемелік ісі жөніндегі орынбасары Б.Х.Мұхамеджанова  «Жаңартылған білім мазмұнының ерекшеліктері», «Кәсіби шеберлікті арттырудың басты ресурстары» тақырыптары аясында  баяндама оқыды. Баяндама мазмұны бір сағатқа созылып, тыңдаушылардың қызығушылықтарын тудырды.

  Екінші бөлімде «№93 гимназия»КММ-нің бастауыш мектеп мұғалімі Тұрсынова Айткүл Мысырқызы «Мұғалімнің имиджі мен брэнді» атты семинар-коучинг өткізді. Онда: «Заманауи мұғалім қандай болу керек?»-деген сұрақ төңірегінде пікірталас жүргізіп, түрлі деңгейдегі қызықты тапсырмалар топтық жұмыстар арқылы іске асты. 

Үшінші бөлімде осы атаулы мектептің бастауыш мектеп мұғалімі  Сердалина Баян Ниматовна «Әдістемелік қоржын» тақырыбында шеберлік сыныбын өткізді. Онда оқытудың жаңа әдіс-тәсілдері туралы таныстырылым көрсетіліп,  «Эдвард Де Бононың 6 қалпағы» әдісі мен «Микс жаттығуы» әдісін жиналған аудиторияда іс-тәжірибе ретінде жүргізді. Бұл әдіс-тәсілдер мұғалімдерде асқан қызығушылық тудырғанын байқадық. 

Ал төртінші бөлімде бастауыш мектеп мұғалімдері Сейтенова Гульнар Жумагалиевна мен Айтбай Салтанат Айтбайқызы «Өзіндік білім көтеру- ұстаздық шеберлікті арттыруға  апаратын  жол» атты семинар-тренинг өткізді. Бұл семинар «Жалықтырмайтын бақ» мейрамханасына саяхат түрінде өтті. Семинар-тренинг әр мұғалімнен өзіндік білім көтеру деңгейін анықтауға арналған сауалнама алудан бастады. Сауалнама бойынша семинарға қатысқан әрбір мұғалім өз деңгейлерін анықтап, әрі қарай не істеу керектігін анықтады. Артынша түрлі деңгейдегі қызықты тапсырмалар мен ойындыр ойнатылып,  топтық жұмыстар жүргізілді. Онда: «Мұғалімнің өздігінен білім алуына қызығушылығын арттару үшін не қажет?», «Білім көздерін қайдан аламыз?», «Кәсіби өсу үшін не істеймін?» сұрақтары қарастырылып, топтар түрлі-түрлі постер жасады. Соңында жан-жақтан келген мұғалімдерге «Мұғалімнің өзіндік білім көтеруінің  жұмыс жоспары» үлгісі ұсынылды.