2017 жылдың 20 қазанында Қарағанды қаласы «№93 гимназия» КММ «Латын әліпбиінің Қазақстан тарихында алатын орны»  тақырыбында семинар-коучингі өтті. Іс-шараның мақсаты – қазақ жазуының латын әліпбиіне негізделген бірыңғай стандартты нұсқасын талқылау арқылы латын әліпбиінің өміршеңдігі туралы қоғамдық пікір қалыптастыру. Іс-шараға академик Е.А.Бөкетов атындағы ҚарМУ ф.ғ.д. Қалиев Бектұрсын Аманқұлұлы және гимназия мұғалімдері мен оқушылар қатысты.

         Семинар-коучинг жұмысы «Латын әліпбиінің Қазақстан тарихында алатын орны»тақырыбындағы шараның мақсат, міндеті жайлы гимназия директорының сөзімен басталды және гимназия қонағы ҚарМУ ф.ғ.доценті Қалиев Б.А. өз сөзінде қазақ тілінің латын қарпіне көшуіндегі басымшылықтарын атап өтті.

Семинар-коучингтің практикалық бөлігінде педагогикалық ұжым ұсынылған жаңа әліпбидің нұсқасымен таныстырылды және қазақ тілі мен әдебиеті пәні мұғалімдері Мойлбекова Р.Ә. мен Кубекова Қ.Т. модераторлығымен аталған тақырып бойынша педагогикалық ұжым өз пікірлерін ортаға салды. Сонымен қатар, коучинг қатысушылары қазақ тілінің тарихы мен латын әліпбиіне көшудің қажеттілігі туралы қойылған сұрақтарға жауап берді. Шара барысында педагогикалық ұжымның латын әліпбиін қолдану бойынша практикалық дағдыларын қалыптастыру мақсатында диктант жұмысы жүргізілді. Коучингтіқорытындылай келе, латын әліпбиінің өміршеңдігі туралы қоғамдық пікір қалыптастырылды.

Аталмыш шара Бірінші Қарағанды телеарнасында және «Қазақстан-Қарағанды»  каналында көрсетіледі.