19 қыркүйек 2017 ж. «№ 93 гимназия» КММ кітапханасында қазақ тілі мен әдебиет пәні мұғалімінің ұйымдастыруымен «Қазақстан халықтарының тілдері күні» мерекесіне арналған 2-сынып оқушыларының қатысуымен «Тіл достық пен келісімнің тірегі» атты тәрбие сағаты өтті. Тәрбие сағатының мақсаты: ана тіліне деген сүйіспеншілігін ояту, сөйлеу тілдерін дамыта отырып көркем, шешен сөйлеуге баулу.
Ана тілін қастерлеуге, құрметтеуге тәрбиелеу.

Кеште оқушылар тіл, туған жер туралы өлең жолдарын оқып, 2 «Г» сынып оқушысы Кохненко Агнияның орындауында «Ақ көгершін» әнін тамашалады.Оқушылар дөңгелене отырып, «Орамал тастамақ» ойыны арқылы тіл туралы  мақалдар мен нақыл сөздер айтып жарысты. Сабақ соңында оқушалар «Күн сәулесіндегі» сұрақтарға жауап беріп, тіл туралы білімдерін жинақтады. «Қазақ тілі – бай тіл. Оралымды, ырғақты, теңеу-бейнелеулері ерте туған тіл. Поэзияда Абай, Ілияс сияқты, прозада Мұхтар сияқты алыптар туғызған тіл. Мен осындай тілімізді таза ұстайық деймін» деген Ғ.Мүсіреповтің сөзімен тәрбие сағаты  қорытындыланды.