Ел қолдаған Елбасыға тікелей қатысы бар, қазақ жерінде бірнеше жыл бойы аталып келе жатқан Тұңғыш Президент күніне орай «№93 гимназия» КММ-де ауқымды іс-шаралар жоспары құрылып, жүзеге асып жатыр. Соның бір айғағы Қоғамдық-гуманитарлық пәндер кафедрасының ұстаздары өткізген «Біздің президент» тақырыбы бойынша викториналар. Гимназияның жоғарғы сынып оқушылары мен 7-сынып гимназияшылары викторина барысында барын салып, Елбасы өмірі мен мемлекет үшін жасаған қайраткерлігі туралы көпшілік біле бермейтін мәліметтерді тізіп берді.

    Елбасыға деген құрмет пен тағзым ретінде бұл оқу орнында жаппай сынып сағаттары өткізіліп, Елбасы өмірінің негізінде тағлым, тәрбие берілді. Сонымен қатар, арнайы осы күнді кеңінен насихаттау үшін Қарағанды қаласының Бейнелеу өнері мұражайының экспонаттары әкелініп, гимназияшылар өз көздерімен Елбасы өмірінің  керемет тұстарымен танысты.

   Елбасының еңбегін бағалап, көру үшін кітапхана қызметкерлері арнайы көрме рәсімдеп, бұқара халыққа жақындата түсті деген ойдамыз. 

Бұнымен Елбасы күгін атап өту аяқталған жоқ, жалғасы алда.