Алғаш рет өткізіліп отырған аталмыш шараға 2-8 сынып оқушылары қатысты. Байқау шымылдығы гимназия директоры Ләззат Асқарқызының  кіріспе сөзімен ашылды. Байқауда оқушылар Мұқағалидың ғажайып поэзиясын жатқа оқыса, студенттер ақын сөзіне жазылған әндермен кеш сәнін келтірді. Гимназия  оқушылары ақын өлеңдерін нақышына келтіріп оқып, көрермендердің көңілін бір сергітіп тастады. Кішкентай балалардың үлкен жүрегі, өлеңге деген құрметі көпшіліктің ыстық ықыласына бөленіп, әдемі кеш әсерлі көріністермен есте қалды. Кешті гимназия директорының оқу-тәрбие жөніндегі орынбасары Б.Х.Мұхамеджанова қорытындылады.