Ағымдағы жылдың 8-10 сәуір аралығында «Кітап оқитын ұлт» республикалық жобасын іске асыру аясында «Кітап оқитын педагог» республикалық зияткерлік байқауының қалалық және облыстық кезеңдері өтті. Байқау педагогтер арасында кітап оқуды дәріптеуге, оқырмандық мәдениет деңгейін арттыруға, дүниетанымды кеңейтуге және кәсіби тұрғыдан өз бетінше білім алуды дамытуға бағытталған.

8 сәуірде өткен қалалық кезеңнің қорытындысы бойынша қазақ лигасында Қарағанды қаласының «Шәкәрім атындағы гимназия» КММ қазақ тілі мен әдебиеті пәнінің мұғалімі Қалиасқарова Әсем Мақсұтқызы 45 ұпайдың 45-ін жинап, бірінші орынға ие болды. Қалалық кезең жүлдегерлері командасының құрамында Әсем Мақсұтқызы 10 сәуір күні байқаудың облыстық кезеңіне қатысып, жоғары эрудициясы мен әдеби шығармаларды терең білетіндігін тағы да дәлелдеп, құрметті бірінші орынды жеңіп алды.

Әсем Мақсұтқызын осы бір лайықты жеңісімен шын жүректен құттықтаймыз! Алдағы уақытта кәсіби табыстар, шығармашылық шабыт және жаңа биік белестер тілейміз!