Наурызнама мазмұны бойынша 18-наурыз – Ұлттық киім күні болып белгіленген.
Ұлыстың ұлы күні қарсаңында осы, әр қазақты ерекше нұрландырып, әрлендіріп тұратын Ұлттық киім күні Шәкәрім гимназиясында тәрбие жоспарының маңызды бөлігі - ұлттық құндылықты дәріптеу мазмұнына сәйкес нағыз ұлттық мереке өтті.
Бұл дүбірлі, мәңгілікке жетейлейтін күні, ел ертеңі, гимназияның әр оқушысы, педагогтер, ата-аналар қауымы біркиер ұлттық киімдерін киіп, қазақ мәдениетінің сұлулығын, ұлттық рух пен мақтанышты паш етті. Ұлттық киімдер көрмесі, сән көрсетілім, ел, ұлт мерейін үстем ететін, ұлттық киімді рухтана киіетін шығармашылық шаралар, ұлттық ойындар мен билер Шәкәрім жастарын, ата-аналарды, педагогтерді бейжай қалдырмады.
Оқушыларымыз қазақша киімдердің түр-түрін киіп, көздің жауын алды. Ұлттық қолөнер шешімі көрсетіліп, оқушылар өз қолдарынан жасаған бұйымдар ұсынды.
“Сән үлгісі – ұлттық киім" деген гимназиямыздағы мерекеге келген жұртшылық сән-салтанатымен ерекшеленді, үздіктер марапатталды. Әсіресе қыз балалар, ару қыздарымыз ұлттық нақыштағы сән бұйымдарын асқан талғаммен бойларына жарастыра білді. “Бұрымды қыз” челленджі де тәлімдік-тәрбиелік мақсатына жетті деген ойдамыз.
Мереке соңында ұлттық тағамдар ұсынылып, Шәкәрім жастары бір-бірімен мерекелік тілектер алмасты.
Ұлттық киім – біздің мақтанышымыз, мәдениетіміздің айнасы!
