НАУРЫЗНАМА қағидасына сәйкес 17-наурыз – Шаңырақ күні.

Наурыз мерекесін тойлауда ұлттық құндылығымыз - ШАҢЫРАҚТЫҢ орны бөлек.

Оның себебі - әр отбасы үшін шаңырақ ұғымы - мән-мағынасы аса жоғары тұратын ұғым.

ШАҢЫРАҚ күні – отбасы құндылықтарын, шаңыраққа табынуды және ата-баба рухын құрметтеуді насихаттайтын ерекше мереке. Сондықтан болар Шәкәрім гимназиясында тәрбие жоспарына сәйкес отбасылық құндылықтарды дәріптеу мақсатында бұл күні түрлі іс-шаралар өткізілді.

“Бір отбасынан - бір өнер” айдарымен өнер, спорттық байқаулары да әр шаңырақтың, әр отбасының өз құндылықтарын паш етті. Мысалы, гимназиямызда үш баласы білім алып жатқан шаңырақ иесі, отбасымен өнерпаздар екенін көркемдеп, отағасы, отанасы, қыз баласы болып әннен шашу шашты, отанасы балалармен ұлттық құндылықтарды дәріптейтін танымдық шара өткізді. Өнерлі, дарынды оқушыларымызды өнерпаз болып жетілуіне барлық жағдай жасап отырған ата-аналар да өнерден кенде емес екенін көрсете білді.

“Отбасы – тәрбие бастауы" деп бекер айтылмағанына көз жеткіздік.

Отбасы – шаңырақтың тірегі