Биылғы НАУРЫЗНАМА мазмұнына сәйкес

16 наурыз – Ұлттық салт-дәстүр күні деп белгіленген.

Осыған орай Шәкәрім гимназиясында ұлттық құндылықтарымызды дәріптеу мен насихаттау, жоғары деңгейге көтеру, жас өрендерге ұлттық сана-сезім сіңірту мақсатында тәрбие жұмысының жоспары шеңберінде ұлттық рух пен дәстүрлі құндылықтар мерекесі өтті.

Оқушылар мен ата-аналар, педагогтер қауымы қазақ халқының ғасырлар бойғы қалыптасқан салт-дәстүрлерін жаңғыртып, ұлттық өміршеңдігін паш етті. "Тұсаукесер", "Сырға салу”, “Бата беру", “Шашу шашу” рәсімдері нағыз этнографиялық көрініс ретінде көрсетілді. Оқушылар қазақ ұлтының бағзы заманнан еліміздің тәлім-тәрбие құралы болған салт-дәстүрлеріміздің қыр-сырын жете түсініп, ұлттық нақыштағы әдемі дәстүрлеріміздің мән-мағынасына терең бойлады.

Ата-аналар тарапынан ұлттық тағамдар (бауырсақ, құрт, наурыз-көже, қымыз) ұсынылып, өрендеріміз ұлттық тағамдар туралы білімдерін кеңейтті. Дарынды да өнерлі оқушыларымыз ұлттық би билеп, ән шырқады, ұлт құдіретін асқақтататын күйлер тартып, ұлттық ойындар ойнады.

Іс-шара соңында белсенді оқушылар марапатталды.