Шәкәрім атындағы гимназия ұжымы үшін бұл күн – үлкен қуаныш пен мақтаныштың сәті.2025 жылдың 4 қарашасында Қарағанды қаласының Балалар мен жасөспірімдер ұйымында өткен «Жыл мұғалімі – 2025» қалалық байқауында біздің әріптесіміз, қазақ тілі мен әдебиеті пәнінің мұғалімі Қалиасқарова Әсем Мақсұтқызы үздік нәтиже көрсетіп, Гран-при иегері атанды. Байқауда сегіз педагог өз шеберлігін, білім мен тәжірибесін ортаға салды. Әсем Мақсұтқызының жеңісі – оның кәсіби ізденісінің, шығармашылық еңбегінің және ұстаздық рухының айғағы. Шәкәрім атындағы гимназия ұжымы әріптесіміздің бұл жетістігін зор қуанышпен қабылдай отырып, алдағы уақытта жаңа биіктер мен табыстар тілейді.