«Әкелер жолы – ізгі жол» әкелер айлығы шеңберінде Шәкәрім гимназиясында елжандылық пен айбындылық үлгісін көрсеткен Ауған соғысы ардагерлерінің, біздің бүгінгі жас өрендердің әкелері мен аталарының жолы – тәрбиенің үлгісі мен ұлағаты ретінде түрлі іс-шараларда көрініс тауып жатыр. Айбынды әке, елжанды ата жолын, ерлігін дәріптеу мақсатында гимназияның 10-11 сынып оқушылары шығармашылық топ құрып, өздерінің ізбасарлары, 7,8,9 сынып оқушыларына өз өнерлері арқылы сұрапыл соғыс шындығы мен сол кездегі елдегі ел тынысынан көрініс беретін әдеби-музыкалық композиция ұсынып, зор ықылас пен жылы ілтипатқа бөленді.

Шәкәрім гимназиясының жан-жақты да дарынды, креативті де бірегей өнерлі жастарынан құрылған шығармашылық топ мүшелері:

Әубәкіров Әмір, Харченко Софья – әдеби-музыкалық композицияны шебер жүргізген дарынды өрендеріміз.

Сахналық қойылымда Ауған соғысы батырлары рөлін шебер сомдаған жастар – Пааль Георгий, Мищенко Павел, Гандзюк Артем.

Эпизодтық рөлдерде ойнаған және реквизитке жауапты – Тангиева Зарина.

Көркем сөз шебері – Украинцева Ангелина.

Заман қасіреті мен шаттығын хореографиялық пластикамен паш ете білген талантты жастарымыз - Климашевская Анастасия, Щекочихин Егор.

Вокалдық өнерімен тәнті еткен дарын иесі – Абикеева Алина.

Осындай бірегей өнерді гимназия тарихында қалдыру үшін бейнеграфия жасағандар Смежук Дарья, Ержанова Сабина, Жамантаева Дильназ.

Бейне және дыбыстық сүйемелдеу жүргізген жастар – Көпбосын Димаш, Хамитжанов Бекайдар.

Өнерлерің өрге басып, биіктен көріне беріңіздер, Шәкәрім гимназиясының дарынды жастары!