СЕЙСМОҚАУІПСІЗДІК НЕГІЗДЕРІ МЕКТЕП ЖАСЫНАН

Апат айтып келмейтіні белгілі. Осыған орай әр адам қауіпсізідік шараларын бала жастан біліп, ұстанған абзал. Осындай игі мақсатты көздеген Шәкәрім атындағы гимназия оқушылары бүгін жаппай сейсмоқауіпсіздік жаттығуларына қатысып, өз білім-біліктерін шындады. Жер сілкінісі кезінде қандай іс-қимыл жасау керектігін, қандай қауіпсіздік шараларын сақтау керектігін көріп үйренді. Сейсмикалық апаттар кезінде негізгі іс-шараларға мән беріп, жалпы ережелер туралы 10 Г сынып оқушылары жаттықтырушылар ретінде іспен көрсетті, жадынамалар таратты, дабыл шабаданда болуы керек заттармен таныстырды. Одан бөлек, эвакуациялаудың алдын ала әр сыныпта сынып жетекшілері ең негізгі қағидаларды басшылыққа алып, нұсқаулық беріп үлгерді.

Ең бастысы – дүрбелең тудырмай, барлық қауіпсіздік ережелерін бұлжытпай сақтау!