ӘКЕ МЕН БАЛАНЫҢ «1001 МАҚАЛ, 101 ЖҰМБАҚ» ЗИЯТКЕРЛІК ОЙЫНЫ
Ұлтымыздың біртуар перзенті, халық жазушысы, мемлекет және қоғам қайраткері Әбіш Кекілбаевтің жазып кеткен тағы бір ақиқаты бар еді: «Әке тәрбиесін ешбір мектеп бере алмайды» деген. Осыған орай әке мен баланың арасындағы рухани жақындықты дамыту мен зияткерлік ой жарыстыру, өзара ой бөлісу, ұлттық тәрбие құндылықтары негізінде ой салу мақсатында Шәкәрім гимназиясының 3А сынып жетекшісі Сейтенова Гүлнәр Жұмағалиқызы «Әкелер жолы – ізгі жол» айлығы шеңберінде танымдық-зияткерлік «1001 мақал, 101 жұмбақ» ойынын өткізді. Зияткерлік ойын біздің әкелер қауымының ұлттық әдебиет, оның ішінде қазақ фольклорын тамаша меңгергендіктерін көрсете білді. Сонымен қатар, әр мақалдың тәрбиелік, тәлімдік пәлсапасын түсіндіріп беруге бейімділігін паш етті.
Бұндай танымдық, зияткерлік іс-шараның түпкі мақсаты – әке-ақылшы, әке-сыншы, әке-сүйеніш, әке-жанашыр рөлдерін бала жиі сезінсе, ұлттық тәрбие, ұлттық құндылықтарымыз мызғымас, берік қамал болатынына сенім мол. Ұлағатымен үлгі, өнегесімен шамшырақ болатын әкелерге мың алғыс!
#”Ұлағат”әкелер мектебі
