Қоғамда келеңсіз жағдайлардың алдын алу құқықтық сана мен құқықтық мәдениет қалыптастырудан бастау алады. Осыған орай Шәкәрім гимназиясында жүйелі негізде құқықтық сауаттылық сағаттары өткізіліп тұрады. Құқық қорғау органдарының мамандары әрқашан құқықтық негізде көмек көрсетуге, құқықтық-нормативтік тұрғыда арнайы дәріс беруге әзір болып, жас өрендер бойына құқықтық-нормативтік білім қалыптастыруға, педагогтермен бірлесіп келеңсіз жағдайлардың алдын алуға дайын тұратынын атап өткен жөн.

Сондай арнайы құқықтық мазмұнда Орталық полиция бөлімінің капитаны Сатанова Мадина Сұңғатқызы гимназияның жоғары сынып оқушыларына жалпы қоғамдық тәртіп негіздері туралы дәріс берсе, гимназияның бастауыш сынып оқушыларына жалпы қауіпсіздік мәселесінің өте өзектісі – Жолда жүруде сақтық ережелерін бұлжытпай орындауға бағытталған дәрісін ұсынды.

Ең бастысы – біздің гимназия оқушыларының жеке бас қауіпсізідгін сақтауды үйрену, білу және қоғамдық тәртіпті қатаң сақтау, жалпы алғанда құқықтық тұрғыда заң бұзушылықтың, құқық бұзушылықтың алдын алу. Әр оқушымыз заң үстемдігін сезініп, біліп өсіп өркендеу – басты міндет.