АУҒАН АСУЛАРЫН БАҒЫНДЫРҒАН ТҮЛЕГІМІЗ
Жастарды патриоттық рухта тәрбиелеу мақсатында, ер балалардың елімізді қорғауға, сүюге, мақтан тұтуға сезімдерін ояту жолында Ауған соғысы ардагерлерінің, бейбіт халықты қорғауда асқан ерлік көрсетіп қаза тапқан интернационалист-жауынгерлерінің қилы соқпақты жолы – ұлықты үлгі, өмірлік өнеге. Есіл ерлерімізді, олардың қаһармандығын дәріптейтін, есімдерін ұлықтайтын Шәкәрім гимназиясының өрендері өз күштерімен, өз ізденістері нәтижесінде тақырыптық сынып сағатын өткізді.
Сол сұрапыл, соғыс өрті лаулаған тұста біздің білім ордамызда тәлім-тәрбие алып түлеп ұшқан рухты, жігерлі түлегіміз Шаврин Игорь Петрович те Ауған асуларының бірінде ерлікпен қаза тапқан еді. Осындай тастүйін, ержүрек Шәкәрім гимназиясының түлегі туралы документалды хроника, фотоматериалдар үнсіз баяндаса да қаһарман Игорьдің ерлігін бүкіл әлемге әйгілегендей, ержүрек жауынгермен кездескендей әсер қалдырды.
Әр сыныптың әр баласының көкірегінде қасиетті білім ордамыздан мәңгілікке түлеп ұшқан қаһарманымыздың ерлігі мәңгі ұялайтыны сөзсіз.
Бірегей ойларын ортаға салып, қаһармандық жолды бағамдаған, ерлікті ұлықтаған, ержүрек тұлға рухына тағзым еткен жас өрендер сұрапыл соғыс оты зардабының салдарын екшеп, бейбіт өмірді бағалауға, бейбіт заманда еңбектену, білім мен тәлім-тәрбие алу, ата-ана, туған-туыс құндылықтарын дәріптеуге, бейбітшілік жолында ерлікпен құрбан болған ерлер есімін мәңгілік есте сақтауға бел буды.
Ержүрек, рухы биік түлегіміздің даңқы асқақтай берсін!
