«МЕНІҢ ӘКЕМ ЕҢ АҚЫЛДЫ, ЕҢ ЖАҚСЫ АДАМ!»

«ӘКЕЛЕР ЖОЛЫ – ІЗГІ ЖОЛ» АЙЛЫҒЫ шеңберінде Шәкәрім гимназиясының 2А сыныбының оқушылары және олардың әкелерін бір арнаға қосқан ашық тақырыптық тәрбие сағаты өтті. Сынып жетекшісі Тұрсынова Айткүл Мысырқызының бастауымен, ата-аналардың, нақты айтсақ, әкелер мен аталар қауымының қостауымен өткен тәрбие сағатында әкелер мен балалар бірлесіп әртүрлі зияткерлік тапсырмалар орындап, бір-бірінің қолдауы мен топтық жұмыста, жалпы кез келген жағдайда аса қажет ынтымақтастық үлгілерін көрсете білді. Әр бала өз әкесін асқар таудай көретіндігі, әр сәтте әкесі қолдайтынын, әкесінің ықыласын сезіп, арқа сүйей алатынына көз жеткізді. Ең бастысы, бұл тәрбие сағаты ұлтымызға тән қасиет – әке мәртебесінің, әке рөлінің әрқашан биік тұратындығын паш етті. Отбасы құндылықтары, ұлттық тәрбие құндылықтары негіз болған тәрбие сағаты өз мақсатына жетті, ел ертеңіне ой салды, әкелер қауымына бауыр еті баласына деген мейірім мен қамқорлық, қолдау мен қолпаштау үлгілерін, жолдарын көрсетті.

Жалпы адамзаттық құндылықтардан да кенде қалмай, тәрбие сағатында әкелер мен балалар «АҚЫЛ», «АДАЛДЫҚ», «ЖІГЕР», «НАМЫС» категорияларын да қаперге алып, өрістерін кеңейтті, тәлім нәрімен сусындады.

Бұл тәрбие сағаты «ӘКЕЛЕР ЖОЛЫ – ІЗГІ ЖОЛ» әкелер айлығының «ЗИЯТКЕРЛІК» бағытымен тұспа-тұс келгендіктен ақыл мен даналықтың түп қазығы кітап көрмесімен көмкерілді: әкелері мен балалары болып бір сәт кітапқа ден қойғандары сүйсінтті.

«Әке тілегі», «Бала көңілі» сынды рефлексиямен мәресіне жеткен тәрбие сағаты естен кетпес, тәрбиелік мәні жоғары іс болып, «ӘКЕЛЕР ЖОЛЫ – ІЗГІ ЖОЛ» айлығының нәтижелі шарасы болатындығына сеніміміз зор. #Қарағанды облысы_білімбасқармасы #КарагандагорОО #”Ұлағат”әкелер мектебі