«АУҒАНСТАН АСУЛАРЫН БАҒЫНДЫРҒАН ЖЕРЛЕСТЕРІМІЗ» ТАҚЫРЫПТЫҚ СЫНЫП САҒАТЫ

Ақ қар, көк мұзды ақпан айында ел тарихында ойып тұрып орын алатын айтулы даталар баршылық, солардың бірі - 15-ақпан, Ауған жерінен әскеріміз шығарылған күн. Бұл күн қуанышымен қатар, өкінішке қарай, біраз отбасынының ошағын сөндірген Ауған жеріндегі отты жылдардан сыр шертеді...

Тарихтың осы бір лаулаған парағын ашып, ерлікпен қаза тапқан боздақтарымыз жайлы жас ұрпаққа сыр тартатын, танымдық, ақпараттық, тәрбиелік мәндегі тақырыптық сынып сағаттары өткізілді. Ауқымы кең, тақырыбы тарам-тарам Ауған асуларындағы шындықты жеткізу Шәкәрім гимназиясының парламенті «Патриоттар» фракциясының мүшелері Балабекова Дария, Өмірбек Айман, Ахметова Адель, Бахытжанов Сабинаға жүктелген. Олар өздерінің артынан ерген 7А, 7В сынып оқушыларына зерделеп білгендерімен, зерттеп көргендерімен бөлісті, ой салды, тағы білуге, бұл тақырыпты әрі қарай зерттеп зерлеуге құштарлықтарын оятты.

Қаһарман жерлестеріміз, ерліктері мәңгілікке жол тартқан боздақтар ел есінде!