СЫНЫП ЖЕТЕКШІЛЕРІ БАС ҚОСТЫ
СЫНЫП ЖЕТЕКШІЛЕРІ БАС ҚОСТЫ
Ежелден педагогика сөзінің мағынасы баланың жетекшісі, жеткізушісі дегенге саяды. Сондықтан сынып жетекшісінің рөлі бүгінгі таңда маңызын арттырмаса жоғалтқан емес. Осыған орай сынып жетекшілері үнемі ізденіс үстінде, шеберліктерін шыңдауда. Бұндай үдерісті жүйелілік пен ғылыми-әдістемелік бағытқа негіздеу мақсатында
Шәкәрім гимназиясының сынып жетекшілер әдістемелік бірлестігінің жоспары шеңберінде бүгін 2-отырысын өткіздім. Басты мәселе - заман ағымы мен жалпы санамыздың жаңа қажеттіліктеріне сай болу, қоғам, ата-аналар, ұрпақ тәрбиесінің сұраныстарына төтеп беру алу. Ал ол ата-аналармен тығыз байланыста, өзара іскерлік қарым-қатынаста болуды меңзейді. Сондықтан бүгінгі отырыста “гимназия-отбасы” тандеміндегі басты механизм - ата-аналар жиналыстарының форматын түрлендіру, өзгертуге бет алу, инновациялық бағыт алу аясында өрбіді. Бұл орайда білім ордамыздың білікті де, білімді сынып жетекшілері тәжірибемен бөлісті, пікір алмасты, актуалды мәселеге қатысты ой салды. Оларға теориялық, әдістемелік тұрғыдан қолдау болған басты құрал - Қазақстан Республикасының Оқу ағарту министрлігі мен Ыбырай Алтынсарин атындағы Ұлттық білім академиясы ұсынған “Орта білім беру ұйымдарында ата- аналар жиналыстарын жаңа форматта өткізудің әдістемелік нұсқаулығы”. Әдістемелік нұсқаулық арқау болған тұсы - ата-аналармен топтық жұмыстар технологиялары. Сынып жетекшісіне арналған ата-аналар жиналысын өткізу бойынша ЖАДЫНАМА да педагогтерге оңтайлы бағыт-бағдар беретін бірден бір құрал болары сөзсіз. Ел ертеңін, кемел келешекті, ұлт ұрпағын тәрбиелеу мәселесінде ізденуді, зерттеп, зерделеуді жалғастыра берейік.
