25 қазан – Қазақстан тарихындағы маңызды күндердің бірі. Дәл осы күні 1990 жылы Қазақ КСР мемлекеттік егемендігі туралы Декларация қабылданды. Бұл елдің тәуелсіздік жолындағы алғашқы қадамы болды.
Декларация Қазақ КСР-нің егемендігін және Қазақстанның тәуелсіз мемлекет ретіндегі саяси-құқықтық негіздерін жариялады. Онда алғаш рет аумақтың тұтастығы, бөлінбейтіндігі мен қол сұғылмаушылығы, халықтар мәдениеті мен олардың тілдерін дамыту, ұлттық бірегейлікті нығайту сияқты мемлекеттілік қағидаттары бекітілді.
Сондай-ақ, құжатта саяси, экономикалық және әлеуметтік мәселелерді өз бетінше шешу принципі жарияланды. ҚазКСР өзінің ішкі әскерлерін, мемлекеттік қауіпсіздік және ішкі істер органдарын құру құқығын алды, ал Президент ел басшысы, әкімшілік-атқарушы жоғары биліктің басшысы болып танылды.
Жоғарыда аталғандарға байланысты 24 қазанда «Шәкәрім атындағы гимназиясы» КММ-де ұлттық мереке – Қазақстан Республикасы күніне арналған концерт өтті.
Іс-шараның ашылу бөлігі гимназия директоры А.Н. Ахметованың құттықтау сөздерінен басталды. Көрермендер даланың қалай пайда болғанын, ата-бабаларымыздың қалай өмір сүргенін, тарихтың негізгі кезеңдерін, Қазақстанның тәуелсіздікке ұмтылған жолын еске түсіре алды.
Әндер, өлеңдер мен билер арқылы туған жердің сұлулығы мен байлығы айтылды. Сахнада балалардың үлкені де, кішісі де айтарлықтай жетістікпен өнер көрсете білді. Көрермендер залы жас әртістердің қойылымдарын қошеметпен қарсы алды.
«AMANAT» партиясы Қарағанды қалалық филиалының партиялық бақылау комитеті комиссиясының мүшесі Әсет Сабырұлы Оспановтың қолынан «AMANAT «ПАРТИЯСЫ» қоғамдық бірлестігінің Қарағанды облысы Қарағанды қалалық филиалының төрағасы Ю.В. Бадинаның атынан біздің гимназиямыздың директоры А.Н. Ахметоваға, сондай-ақ бастауыш сынып мұғалімі А.Т. Хасеноваға алғыс хаттарын табыстауы маңызды сәт болып табылды. Құттықтаймыз!
Республика күніне арналған концерттік бағдарлама қазақтардың мемлекеттік елтаңбасының негізін қалаған ежелгі тілектерімен аяқталды.
Құрметті қазақстандықтар, сіздерді Республика Күнімен құттықтаймыз! Шаңырақтарыңыз биік болсын, керегелеріңіз кең болсын, босағаларыңыз берік болсын.
