“МЕН ПАТРИОТ ҰЛАНМЫН!” ІV жас патриоттар форумы

Арайлы, айбынды мейрам - Республика күні қарсаңында Шәкәрім гимназиясының тәрбие жұмысы жоспарына сәйкес 5-сыныптар параллелі оқушыларымен дәстүрлі жас патриоттар форумы өткізілді. Бұл форумның ерекшелігі - басты қатысушыларды таңдауда, себебі 5-сынып оқушылары бастауыш мектеппен қоштасып, кемел келешекке қадам басқанда өздерінің маңыздылығын айқындауға бағыттау.

Гимназия парламенті “ПАТРИОТТАР” фракциясының жетекшісі, 9Г сынып оқушысы, ХАМИТЖАНОВ БЕКАЙДАРДЫҢ пайымдауынша “басты мақсат - 5-сынып оқушыларына патриоттық тәрбие беру, психологиялық бейімделу үрдісін жеңілдету, сынып ұжымын ұйыстыру, педагогтер мен ата-аналар қауымын бірлікке шақыру, бірауыздылыққа үндеу”.

Иә, бүгінгі форумды зор ықыласпен қабыл алған ата-аналар тарапы қолдауын аямай, ойдағыдай өтуіне мол үлес қосқаны анық. Барша ата-аналар мен 5-сыныптар параллелінің сынып жетекшілеріне мың алғыс!

Ең басты жетістігіміз бүгін - Педагогтер мен ата-аналардың жас жеткіншектер санасынан Тәуелсіз елдің елжанды ұландары екенін, әділетті Қазақстанның адал азаматтары екеніне көз жеткізуі. Әр жас өркеннің патриоттық рухты сезініп, қазірден бастап өз үлестерін қосуға дайын екендерін паш етті. Ол - спорттық жетістіктері (5А сыныбы), өлеңмен өрнектелген отаншыл, жүрекжарды ойлары (5Б сыныбы), патриоттық нақыштағы флешмоб ұсынуы (5В сыныбы), сүйікті ортақ Отанымыз, Қазақстанды әнмен ұлықтау (5Г сыныбы), асқақ рухты патриоттық сезімді арнайы киім мен атрибутика арқылы, ең бастысы - Отанымызды асқақтата түсетін әйгілі “Атамекен” әнін орындау арқылы паш ету (5Д сыныбы), елге, туған жерге деген нәзік сүйіспеншілікті жүректен жүрекке жеткізу (5Е сыныбы), жан-жақтылығымен ерекшелену де өз нәтижесін беретіндігін ана тілге деген сүйіспеншілік пен туған жерге деген сүйіспеншілікті ән мен жыр арқылы, шағын қойылым арқылы көрсету (5Ж сыныбы).

Сайып келгенде, бұның бәрі - сынып жетекшілерінің жүйелі жұмысы, ел ертеңіне еткен еңбектері! Еңбектеріңіз жана берсін, кемел келешекке жетелейтін педагогтер қауымы! Шәкірттеріңіз мәңгі қуанта берсін!#RepublicDay #РеспубликаКүні #ДеньРеспублики