ӨНЕРІМ - ОТАНЫМА,

ЕҢБЕГІМ - ЕЛІМЕ!

Осындай патриоттық рухтағы ұранмен Республика күніне орай Шәкәрім гимназиясында тәрбие жұмысының жоспарына сәйкес “Гүлдене бер, Қазақстаным!” патриоттар флешмобы байқауы өткізілді. Жас өркен - ел ертеңі, ел болашағы. Еліміздің ілгері дамып, гүлденуі мен өркендеуі қазіргі жастардың асыл мұраты, киелі мүддесі, игі істері! Жас өрендердің кемел келешекке бағытталған, ел игілігіне, мемлекетіміздің гүлденіп дамуына негіз болатын алғашқы игі қадамдары мектеп қабырғасынан бастау алады. Қасиетті де қастерлі мереке - Республика күні қарсаңында 8-сынып параллелі оқушылары арасында өткен патриоттар флешмобы елжандылық пен өнердің, ұлтжандылық пен тәлім-тәрбиенің айғағы, айқын көрінісі! Бұл игі шарада елжандылық пен ұлтжандылықтың асқақ рухын айқын көрсеткен 8А, 8Б сыныптарына ризашылығымыз зор! Олардың ата-аналарына, сынып жетекшілеріне осындай тәрбиелік шараға қолдау көрсеткені үшін алғысымыз шексіз! #Republic Day #РеспубликаКүні, #ДеньРеспублики

Өнер көрсеткен әр сынып ерекшелене білді: 8Е сыныбы - шеберлігімен, 8 Г сыныбы - бірауыздылығымен, бірлігімен, 8Д сыныбы - креативтігімен, батылдығымен, 8В сыныбы - интернационализм және толеранттылық үлгілерімен! Жарайсыңдар!

Республика күні құтты болсын!