ТҮЛЕКТЕР САБАҚТАСТЫҒЫ

Педагогикалық мамандыққа ерте жастан баулудың нәтижелі жолын Шәкірім гимназиясының шебер ұстаздарының бірі, мыңдаған бастауыш буын оқушыларын түлетіп ұшырған тұлға ГАРБАР ЕЛЕНА НИКОЛАЕВНА арнайы “Шаңырақ” жобасы арқылы көрсетіп отыр.

Халықаралық ұстаздар күні бастауыш сыныпта осы ұстаздың ұлағатымен тәрбиеленіп тәлім алған қазіргі 9Д сынып оқушылары Елена Николаевнаның биылғы 1-сыныбында дублер рөлінде тыңғылықты дайындықтан өткеннен кейін ұстаздық мамандыққа деген алғашқы талпыныстарын көрсете білді. Педагогикалық мамандыққа бейімделудің алғашқы қадамдары оңынан болып, білім ордамыздың ең кішкентай бүлдіршіндеріне тәлім беру үдерісі ойдағыдай өтті. Ұстазы бір ұрпақтар сабақтастығы нығайып, жетістіктерге жетелей берсін! Ұрпақтар сабақтастығын жандандырып, нәтижелі жоба арқылы болашақ педагогтердің қанаттарын қатайтып отырған ұлағатты ұстазымыз Елена Николаевнаға шәкірттеріңіздің махаббаты мен ықыласына бөлене беріңіз деп тілек білдіреміз! Мереке құтты болсын!