БІРЛІКТІ ТУ ЕТКЕН ДУБЛЕР-БАСШЫЛАР

Халықаралық ұстаздар күні баршамыз мектебімізді, жүрегімізге жақын, аса бір есте қаларлық тәлім берген ұстазадрымызды еске алып, құттықтап жатамыз. Сондай бірегей тұлғаларға бас бола білген, ақыл-ой, парасатымен кәсіби шындалуға жол көрсеткен білім ордалардың әкімшілігінің да еңбегі зор. Бүгін, Дублерлер күні Шәкәрім гимназиясында асқан парасаттылықпен, шынайы өмірге жақындығымен ерекшеленген күнді өткізуге барын салып, дайындық пен ұйымдастырушылық жұмыстарын жоғары деңгейде өткізуге атсалысқан дублер-басшыларды атамай кеткен жөн болмас. Жастайынан басшылық істерге жақын болып, ұйымдастырушылық қабілеттерімен көзге түскен оқушыларымыз болашаққа осы білім ордамыздан ала кететін тәлім-тәрбиесімен қоса үлкен өмірде ең қажет дағдыларды да еркін қолдана алады деген ойдамыз. Осындай бірегей жастарымыз ел ертеңіне зор үлес қосатынына сенімдіміз! Ал таныс болыңыздар! Олар: Шәкәрім гимназиясының өткен оқу жылдарында президент болған, 11Б сынып оқушысы, СЕНГЕР ДАРЬЯ - гимназия директоры міндетін атқарды, гимназияның өткен оқу жылында президент болған, 11Б сынып оқушысы МАКАШЕВА САТИ - гимназия директорының оқу-тәрбие жұмысы жөнінде орынбасары міндетін, гимназияның "Адал ұрпақ" клубының басшысы болған, 11А сынып оқушысы МҰРАТ ҚҰРАЛАЙ - гимназия директорының оқу-тәрбие жұмысы жөнінде орынбасары міндетін, ал оқу озаты, пәндік олимпиадалардың жеңімпазы, 11А сынып оқушысы ТУЛЕБАЕВ НҰРДӘУЛЕТ - гимназия директорының тәрбие жұмысы жөнінде орынбасары міндетін және "Дене шынықтыру" пәнінің мұғалімі міндетін қоса абыроймен атқарды. Гимназия әкімшілігі міндетін ойдағыдай парасаттылқпен, жауапкершілікпен атқарған жастарымызға дән ризамыз!