Күрең күздің бүгінгідей шуақты күнінде Шәкәрім гимназиясының ұстаздары мен оқушыларына, ата-аналары мен қонақтарына ерекше көңіл күй сыйлаған тәрбие жұмысының жоспарына сәйкес гимназия парламентінің “Қамқорлық” (фракция жетекшісі, 10Г сынып оқушысы Какенова Тоғжан), “Өзін өзі тану, бақыт” (фракция жетекшісі, 9Д сынып оқушысы Байда Екатерина) фракцияларының қолдауымен, “Гимназия- отбасы” жобасы шеңберінде дәстүрлі “Күз - береке, күз - мереке” жәрмеңкесі өткізілді. Күзгі жәрмеңкенің басты кейіпкерлері, ұсынушы-сатушы тарап - 2,3,5 сыныптар креативке толы сан алуан кулинарлық өнімдер мен жемістер, тәттілер мен сусындар ассортиментімен, тұтынушыға ерекше ілтипатпен қызмет көрсете білулерімен ерекшеленді. Ал басқа сыныптардың оқушылары мен ұстаздары барлығы дерлік, жаппай барлық коммерциялық ұсыныстарды қабыл алып, тұтынушы, сатып алушы мәдениетінің үлгісін көрсетті.

Күзгі жәрмеңкеге, педагогтер мен ата-аналарды басын қосып, бір арнаға түйістіретін жобаға, атсалысқан барлық ұстаздар мен ата-аналар қауымына зор алғыс білдіреміз!

Берекелі, мерекелі алтын күзден келесі күзге жете берейік!