ЕР ДӘУЛЕТІ – ЕҢБЕК

Еңбек – адам өміріндегі басты құндылық. Еңбек арқылы адамзат өсіп-өнуіне қажет материалдық, рухани байлықтарға қол жеткізеді. Еліміздің еңбекқор жандарына одан әрі зор мотивация беретін, барлығын біріктіретін мереке – Еңбек күні қарсаңында Шәкәрім гимназиясының парламент жастарының шақыруымен Қаламыздың көркейіп, жетілуіне еңбегі сіңген тұлға, қоғам белсендісі, қалалық маслихат депутаты, Омарханов Бахтияр Ниқанбайұлымен кездесу өтті. Кездесу мазмұны еңбек адамы, адал еңбек, болашақ кәсіп жайында өрбіді. Дана халқымыздың «Асыл тастан, ақыл жастан» деген даналығына дәл келген Бахтияр Ниқанбайұлының ғибраты жастарға рухани азық болары сөзсіз. Жас болса да жинаған тәжірибесі мен көргені мол екендігі жастарға оң әсер етті. Азаматтық позициясына берік, нақты істермен елге қызмет ететін тұлғалар өсе берсін.