“ӘДІЛЕТТІ ҚАЗАҚСТАН - АДАЛ АЗАМАТ” - біздің басты ұстанымымыз” дейді Шәкәрім гимназиясының Орталық сайлау комиссиясының төрағасы, 11А сынып оқушысы КӨПБОСЫН ДИМАШ. Иә, мемлекет басшымыз, Қ-Ж.К. Тоқаевтың қағидасы Шәкәрім жастарының, гимназия парламенті президенттігіне сайлауға түскен, демократияны, әділеттілікті, парасаттылықты, адалдықты ту еткен үміткерлердің асыл мұраты, биік мақсаты. 

Жаңа оқу жылына Парламент президентігіне түскен Шәкәрім гимназиясының 7 үміткері де білім ордамыздың бетке ұстар, білім жолында алғыр да зерек, белсенді де беделді  жалындап тұрған жастар. Олар:

Абикеева Алина, Алдошина Юлия, Мусаперов Назар, Мусин Алмас, 

Сахимова Жанел, Хамитжанов Бекайдар, Шарипова Алина!!!!

Әрқайсысы Шәкәрім бабамыздың рухани мұрасы арқылы адалдық пен әділдік, тазалық пен шынайылылықты бойларына сіңіріп өскен керемет жастарымыз. Сондықтан да Парламент сайлауының таза әрі әділ өтуіне барын салған адал жастар!!! Сайлау нәтижесіне оң көзқарас танытып, көңілдері толғанын жеткізіп жатты. Өзара келісім мен сенім арқылы алдарына қойған арман-мақсаттарын, тілек-ойларын бірлесіп, ынтымақтастықта шешуге бел буып уағдаласты. 

Орталық сайлау комиссиясының төрағасы сайлау қорытындысын жариялап тұрып, адалдық пен әділдік үстем болғанын алға тартты. Сонымен, сайлау қорытындысы бойынша дауыс беру нәтижесінде Шәкәрім гимназиясы Парламентінің президенті болып, басқа үміткерлерге қарағанда көбірек дауыс жинаған 10А сынып оқушысы САХИМОВА ЖАНЕЛ сайланды!!! Құтты болсын! Алар асуың алда болсын! Алға, Шәкәрім жастары!