Қазақ елінің маңдайына біткен ұлылар галереясының басты тұлғасы Ахмет Байтұрсынұлының туған күні. Бұл айтулы дата алты Алашқа кеңінен насихатталып жатыр. Бүгінгі барымыздың бастауы -  Ұлт ұстазы Ахметтің сіңірген еңбегі ерен. Ерен дейтініміз - қай жерде жүрсе де, қандай тар қапасқа  қамалса да, абақты, түрмелерде, қиындығы басым шақтарда мойымай,  ұлтының ертеңі үшін аянбай еңбектеніп, қалайда қазағымды көгертем деп жанұшырғаны. 

Осындай рухани ерлігі еш кетпей, талай ұрпаққа азық болатынына сенімдіміз.  Оған айғақ - Ұлы ұстаз ұрпақтары оның еңбектерімен сусындап , “білім бәйгесінде” топ жарып жүргендері. Олар Шәкәрім гимназиясында да жарық шоқжұлдыздай шоғырланған өрендеріміз. Гимназия кітапханасында жасақталған кітап көрмесі соны айғақтайды. Ұлт ұстазының рухани зор мирасын зерделеймін, зерттеймін деген жас өрендер қарасы мол болды. Білім шыңына жетіп, білім бәйгесінде топ жаратын жастар қатары молая берсін.