СОҒЫС ОТЫ МЕН БЛОКАДА ҚҰРСАУЫН БАСТАН КЕШКЕН

Екінші дүниежүзі соғысының жаңғырығы әлі де естілуде. Бірақ бір нәрсені қаперімізде ұстаған жөн - кез келген соғыс, ешқандай жеңіспен жуылып шайылмайтын қылмыс! Бүгінгі бейбіт заманның ұрпағы қаһарман ата-бабаларының рухына мәңгілік тағзым етіп өтері сөзсіз. Өкінішке орай, ардагерлер қатары сиреп барады. Алайда сұрапыл соғыс отына жанып, блокада құрсауында қиындық көрген, балалық шағынан, жөргегінен зұлмат күндер кешкен ардагерлер арамызда. Солардың бірі Сидельникова Валентина Александровна әжеміз. Осындай рухы биік, жігері мықты Ленинград блокадасының құрсауын бұзып шыққан ардагермен сұхбаттасып келген Шәкәрім гимназиясының 8Б сынып оқушылары мен сынып жетекшісі Сарсембаева Гүлнәр Онайбекқызы ерекше рухты әсермен бөлісті.