ДОСТЫҒЫМЫЗҒА РАХМЕТ!

Көктемнің алғашқы күнінің шуағымен келетін Алғыс айту мерекесі көптің көңілінен шығып үлгерген айтулы күннің бірі. Осынау шуақты мерекенің арқауы - ел бірлігі, ұлтаралық, этносаралық достық пен келісім екенін көпұлтты Шəкəрім гимназиясының 7А сынып оқушылары кеншілер шаһарының рухани орталығына айналған АБАЙ кітапханасында өткен "ПОЛОНИЯ" поляк этнобірлестігінің басшысы ХМЕЛЕВСКИЙ ВИТАЛИЙ АЛЬБЕРТОВИЧПЕН өткен кездесуде түйсіктеріне түйіп алды. Мəртебесі мен мағынасы биік "ДОСТЫҚ", "КЕЛІСІМ", "БІРЛІК" категорияларының өзегі мен мініне тағы да үңілді. Сонымен қатар, кітапхана қызметкері ОЛЬГА БОРИСОВНА KAHOOT платформасымен ұйымдастырған Польша елі туралы қызықты да танымы мол викторинада білімдерін сынап, ең керемет сый-сыяпат - кітаптарды иеленді. Ең үздік жауап берген оқушыларымызға, ЖУМАДИЛЬДИНА ГУЛЬНАЗҒА, ТҮЙМЕБАЙ АДИНАҒА, ЖҰМАҒҰЛОВА АЙЫМҒА бұйырған керемет кітаптарды Виталий Альбертович өзі табыстады.

Достығымызға рахмет, поляк бауырлар!