«Тіл – адамның адамгершілігінің ең күшті, ерекше белгісі, оның ерекше қаруы!», – деді қазақ лингвист-ғалымы, әдебиеттанушы, түркітанушы, ақын Ахмет Байтұрсынов.

5 қыркүйекте мемлекетімізде Қазақстан Республикасы халқының Тілдер күні атап өтіледі. Біздің көпұлтты еліміз үшін бұл күн ерекше маңызға ие.

Бұл атаулы күннің көрнекті қоғам қайраткері Ахмет Байтұрсыновтың туған күнімен тұспа-тұс келуі – оның тұлғасын құрметтеудің шыңы. Ахмет Байтұрсынов бүкіл өмірін туған халқының тағдыры мен тілі үшін күреске арнады, қазақ әліпбиін, графикасы мен орфографиясын жазып, ұрпақтарына мұра етіп қалдырды.

Биыл «Ұлт ұстазының» туғанына 150 жыл толады. Ахмет Байтұрсыновтың мерейтойын жалпыхалықтық мерекелеуден біздің гимназия да тыс қалған жоқ. Қазақстан халқы тілдері Күнін мерекелеуге және А. Байтұрсыновтың 150 жылдығына арналған оқу-тәрбие жұмысының іс-шаралар жоспарына сәйкес, 2022 жылғы 5 қыркүйекте акт залында 5-6 сыныптарға арналған «Тіл – кемел болашақтың негізі» атты салтанатты жиын өтті. Жиынның мақсаты тіл білімінің негізін қалаған қазақ ағартушысының шығармашылығын насихаттау болды. Іс-шара Қазақстан Республикасының Әнұранымен басталды. Одан әрі жиналғандарды сөз сөйлеген сынып жетекшілері қарсы алып, жаңа оқу жылының табысты басталуын тіледі. Іс-шара барысында 5 «А» және 6 «А» сынып оқушылары қазақ, орыс, ағылшын тілдерінде өлеңдер оқып, саяси публицистің өмірі мен шығармашылығынан қызықты фактілермен бөлісті. А. Байтұрсыновтың өмірі мен шығармашылығының маңызды кезеңдері мазмұндалған бейнеролик көрсетілді.

Тіл ұлттардың бірігуіне ықпал етеді. Ал Қазақстан халқының Тілдер күні өзара түсіністік пен ынтымақтастықтың кілті – мемлекет құрылысының басты тірегі болып табылатын бір мемлекетте өмір сүретін барлық этностардың достығы, бірлігі, мәдениеті мен тілдеріне деген құрметтің көрінісі болды.