Шәкәрім атындағы гимназияда Тәуелсіздіктің 30 жылдығына орай ұйымдастырылған мектепішілік ұлттық спорт түрі «Тоғызқұмалақ» ойындары өткізілді. Ойлау қабілеттерін сынға салатын бәсекеге гимназиямыздың жас өрендері белсене қатысып, ұтқырлықтары мен шеберліктерін таныта білді. Аталған ойынды денешынықтыру пәні мұғалімі Қайрат Тукенов ұйымдастырып, жас шәкірттерінің талаптарын шыңдай түсті. Жүлделі болған оқушылар арнайы дипломдармен марапатталды. Ұлттық спортқа қызығушылық танытқан гимназия оқушылары үшін тартысты доданың маңызы зор деп білеміз.