ОҒЛАНДАРЫМЫЗ АТҚА ҚОНДЫ
Атқа міну мəдениеті мен жалпы жылқы баптау кəсібі Ұлы дала оғландарының өмірі мен салты, тұрмысы жəне дəстүрімен біте қайнасып кеткені туралы дəлел іздеудің қажеті жоқ, ол бесенеден белгілі. Алғашқы фактілер Ботай мəдениетімен ұштасып жатқаны баршамызға аян. Сол, Ұлы даланың Жеті қырының бірін - ерлікке еліткен ер қанаты - атқа міну дəстүрін Қарағанды қаласындағы ШƏКƏРІМ АТЫНДАҒЫ ГИМНАЗИЯНЫҢ 3 "Б" сынып оғландары да санасына сіңірді, бойларына шақтады. Гимназия тəрбие жұмысының үрдісі шеңберіндегі "ОТБАСЫ-ГИМНАЗИЯ" жобасын іске асыру мақсатында ұлттық құндылықтарды дəріптейтін этно бағыттағы "ШАҢЫРАҚ" үйірмесінің жетекшісі, САТИНБЕКОВА РАУШАН МИРХАДИРҚЫЗЫ бастауымен бүгін Ұлы дала мұрагерлері, 8-9 жасар біздің Отан қорғаушы оғландарымыз  атқа қонды, ата-анасына "тақым қағар" дəстүрін жандандыруға себепші болды. Бұндай ұлттық нақыштағы игі істің басы-қасынан табылған гимназияның "Əкелер мектебінің" алатын орны ерекше. Ежелден ер баланың бетін қақпай, атқа қондырып, ұлы істерге жетелеген əкелерге мың алғыс! Біздің оғландар да əкелерінің қолдау-қолпаштауымен ел игілігіне елеулі үлес қосуға дайын екенін əзірше осылай көрсетті. Ер қанаты - тұлпарларың əрдайым алда болсын!

https://www.instagram.com/tv/CU2h0mTqtCh/?utm_medium=copy_link