ДАУЫЛПАЗ АҚЫН МЕРЕЙІ
Жалынды, жігерлі жырымен ұлтымызды алға жетелеген жерлесіміз, дауылпаз ақын ҚАСЫМ АМАНЖОЛОВТЫҢ мерейлі 110-жылдығы қарсаңында Қарағанды облысы мемлекеттік мұрағат басшысы, педагогика ғылымдарының кандидаты ТҰРСЫНОВА ЖАҢАГҮЛ ЖАРЕКҚЫЗЫНЫҢ бастауымен "ШƏКƏРІМ АТЫНДАҒЫ ГИМНАЗИЯ" КММ жас патриоттарымен "Өлкетану" сабағы аясында ерекше форматта ұрпақтар сабақтастығын паш ететін кездесу өттіі. Кездесуге келген қадірлі қонақтар, зиялы қауым өкілдері:
ЖАНЫСБАЙ СҮЙІНДІК ЖҰМАБАЙҰЛЫ - ҚР Жазушылар одағының мүшесі, ҚР Құрметті журналисі, Мəдениет қайраткері,
АЗБАНБАЕВ МАРАТ АҚТОРҒАЙҰЛЫ - құқықтанушы, сот жүйесінің ардагері, аудармашы, зерттеуші.
САҚТАҒАНОВА ЗАУРЕ ҒАЛЫМЖАНҚЫЗЫ - ҚАРМУ профессоры, т.ғ. докторы,
ЖАРЫЛҒАПОВ ЖАНСАЯ ЖАҢҒАЗЫҰЛЫ - ҚАРМУ профессоры, ф.ғ. кандидаты жас жеткіншектер бойына Қасым болмысы мен поэзиясының құдіреті арқылы елжандылық, ұлтжандылық қасиеттерін сіңірді. Қасымның жалынды жырын өмірлік ұран ретінде қабылдаған "ШƏКƏРІМ АТЫНДАҒЫ ГИМНАЗИЯ" оқушылары да қарап қалмай жыр жауһарын төгіп, ақынның ұранды жолдарын таймас қырандай жатқа оқыды, алдыңғы буын ағаларынан естігендерін саналарына бұлжытпай тоқыды.
ҚАСИЕТ КҮШІ ҰЛЫ ОТАННЫҢ,
ҚАНАТЫН БЕР ҚЫРАН ҚҮСТЫҢ,
АШУЫН БЕР АРЫСТАННЫҢ,
ЖҮРЕГІН БЕР ЖОЛБАРЫСТЫҢ.
Қасым Аманжолов.
