Шәкәрім атындағы гимназияда тағы бір тарихи жағдай орын алды. Олай дейтініміз, гимназия төрінен Шәкәрімге арналған жеке мұражай ашылып, құнды кітаптармен, қажетті материалдармен жабдықталды. Санитарлық талаптарды сақтай отырып ұйымдастырылған мұражайдың ашылу салтанатына еліміздің әр өңірінен белгілі ғалымдар және жергілікті білім саласы басшылары келіп, ресми түрде тұсауын кесті. Алыс-жақыннан келген қонақтарды Семей қаласы, Абай мұражайынан әкелінген көрмемен аталған мұражайдың ғылыми қызметкері Арай Талғатқызы таныстырды. Айта кетейік, гимназияға бұл көрмені бір ай мерзімге Қазақстан Республикасы Мәдениет және спорт министрлігі Абайдың «Жидебай-Бөрілі» мемлекеттік тарихи-мәдени және әдеби мемориялдық қорық-музейінің директоры, белгілі ғалым Шаңбай Тұрдығұл Қасенұлы  жеткізген болатын және Шәкәрімге арналған мұражайдың тұсау кесер шарасына арнайы қатысты. Сонымен қатар, арнайы жиынға Алматы қаласы, Абай атындағы ҚазҰПУ-дың профессоры, ф.ғ.д., халықаралық педагогикалық білім беру ғылым академиясының академигі, шәкәрімтанушы ғалым Балтабай Әбдіғазиұлы, Семей қаласы, Абай музейі директорының орынбасары Қайрамбаева Мейрамгүл Сейітжаппарқызы, Қарағанды облысы білім беруді дамытудың ОӘО директоры Абдикерова Бақытгүл Химальдиновна,  «Қарағанды қаласының білім бөлімі» ММ басшысы Әшім Есентай Мұқатайұлы, Қарағанды университетінің профессоры, ф.ғ.д., Рахымов Берік Серікбайұлы, «Өрлеу» біліктілікті арттыру институтының аға оқытушысы ф.ғ.к., Смағұлова Ғазиза Ғабдоллақызы, Қарағанды облыстық тарихи-өлкетану музейінің директоры Нұрмағанбетов Ержан Нұрланұлы қатысып, дөңгелек үстел түріндегі іс-шарада сөз сөйледі. Шәкәрімдей алыпты туғызған қасиетті мекендегі музейдің басшысы, философ-әдебиеттанушы Шаңбай Тұрдығұл Қасенұлы гимназия басшысы Ахметова Аягүл Нұрабайқызына Шәкәрім бабамызды ұлықтаудағы жүйелі жұмысы үшін ризашылық білдіріп, арнайы алғыс хатпен және «Абай» төсбелгісімен марапаттады.