ҮКІЛІ ҮМІТІМІЗ, ТҰҒЫРЛЫ ТІРЕГІМІЗ - ЖАС ТҮЛЕК!
Бүгін балалықпен қоштасып, кемел келешек көкжиегін көздеген, асқақ армандарына қол созған жас түлек жүрегі қимастық сезімге толы.
Алтын ұя - гимназиясының, аяулы ұстаздарының, ата-аналарының үкілі үміті, тұғырлы тірегі, берік қалқаны болуға жарап қалған Қарағанды қаласы, 93 гимназияның 65 түлегі де бүгін бала шақты артқа тастап, болашаққа қанат қақты.
Гимназия директоры АХМЕТОВА АЯГҮЛ НҰРАБАЙҚЫЗЫ жас түлекке арнаған жүрекжарды тілегін білдіріп, зор сенім біллірді. Кəмелеттік аттестат табыстау салтанатының сəнін келтірген "АЛТЫН БЕЛГІ" иегерлерін құттықтап, ұлықтау рəсімі болды. Биыл білім ордамыздың Тəуелсіздік ұландарының ішінен 6 түлек білім мен тəрбиенің шыңы - "Алтын белгі" иегері атанып, еңселі елімізге өз үлестерін қосуға дайын екенін білдірді. Олар:АЛЬТАИР НҰРАЛИ, ШАЙМЕНОВА АЙСҰЛУ, АБИЛЬДИНА МИЛАНА, ДЕХАНТ КАРИНА, УСИПБЕКОВА ЯНА, РАХИМБЕРЛИНА ДИЛЯРА! Құтты болсын!
Үздік бағаланған аттестат иелері:
ЭДЕЛЬХАНОВА УЛЬЯНА, СЕМЕНЧЕНКО КРИСТИНА, ТЮТЮННИК АНАСТАСИЯ, КИМ ЕКАТЕРИНА!
Сонымен қатар, ерекше ықыласқа ие болған гимназия белсенділері де аталып өтті, олар: гимназия Президенті, Парламент басшысы КУБЕЕВ АРСЕН, Парламент мүшелері, фракция жетекшілері МҰРАТ ЖАНГЕЛДІ, КУДРАВЕЦ ВЕРОНИКА, КЕНЖЕБАЕВА ДАНАРА, БАЗИЛЕВ ЛЕВ, ЕФИМИК ВЛАДИСЛАВ! Алар асуларың алда болсын!
Өз кезегінде түлектеріміз алтын ұя - гимназияға, ұлағатымен ұлылыққа жетелеген ұстаздарына, бал дəурен балалық шақты бірге өткізген достарына, жан жылуын аямаған ата-аналарына жан тебірентер, жастық сезімнің алауымен жанданған ыстық лебіздерін аямады, көңілдеріндегі риясыз сезімді ақтарып салды.
Осындай заман келбетіне, заман тынысына, заман қалауына сай білім мен тəрбие берген үшін түлектер ата-аналары да ұстаздар қауымына шексіз алғыстарын жаудырды. Өз кезегінде гимназия əкімшілігі атынан бірқатар жанашыр ата-аналар Алғыс хаттармен марапатталып, ризашылығын білдірді.
Салтанат сəнін "Қимай тұрмын" əні кіргізіп, түлектеріміздің жүрегінде орын алған қоштасудың символына айналған вальс ырғағымен билеген əрбір қимылдарында: "Біз қоштаспаймыз, біз кемелденіп, табысқа қол жеткізіп, еліміздің гүлденуіне өз үлесімізді қосып, білім ордамыздың абыройын асқақтатамыз" деп тұрғандай....
Ақ жол, шындап, аялап өсірген түлегіміз! Сəт сапар!
