22-СƏУІР - ХАЛЫҚАРАЛЫҚ ЖЕР КҮНІ
Жаһандану заманының маңызды мəселесі - ортақ үйіміз, Жерді, аман сақтап қалу. Бұл күн - əр адам "экологиялық апаттарды болдырмауға қандай үлес қоса аламын" деп ойлана алатын күн болып есептеледі. Сондықтан, бүгін,22-сəуірде, Қарағанды қаласы, 93 гимназияның ұстаздары мен оқушылары, ата-аналары гимназияның жыл сайынғы дəстүріне сəйкес ең кішкентай балақайлар - 1-сынып оқушыларының "Бірге өсеміз" акциясын ұйымдастырып өткізуіне өз үлестерін қосты. Гимназия Парламентінің "Экология жəне еңбек" фракциясы мүшелерінің, гимназия волонтерларының бастауымен, 1-сынып оқушылары ата-аналарының қолдауымен өткен "Бірге өсеміз" акциясының мақсаты - əр 1-сыныптың атынан жас көшеттер отырғызып, оларды гимназиядан түлеп ұшқанша өз қамқорлықтарына алып, күтіп баптау. Жыл сайын 1-сынып балақайлары көшеттер отырғызуға өздері де қатысып, бір марқайып қалушы еді. Биыл пандемияға байланысты дəстүрімізге сəл өзгерістер еніп отыр - сынып жетекшілері: АЙТБАЙ САЛТАНАТ АЙТБАЙҚЫЗЫ, АЙТБАЙ МАХАББАТ АЙТБАЙҚЫЗЫ, ШВЕЦ ТАТЬЯНА ВИКТОРОВНА, МАРТЕМЬЯНОВА ЕЛЕНА НИКОЛАЕВНА, ШТРОБЕЛЬ ОКСАНА ИВАНОВНА, РЕЙШ ЕЛЕНА АЛЕКСАНДРОВНА, СЕМЕНЮК ЛЮДМИЛА АМИРОВНА оқушыларға акция мақсатымен сынып ішінде таныстырып, балақайлардың келешектегі жоспар, мақсаттарын айқындады. Осындай экологиялық акция нəтижесінде, Жер-анамыздың кеңінен, еркін тыныс алуына тағы да 12 жаңадан отырғызылған жасыл желек септігін тигізеді деген үміттеміз. Туған жерімізде жасыл желек жайқала берсін! Жер-анамыз гүлдене берсін!
