"ҒАЛАМШАРДЫ БІРГЕ САҚТАЙЫҚ!"
Экологиялық қауіпсіздік, ғаламшарымыздың қауіпсіздігі - жаһандану заманының ең маңызды мəселесі. Сондықтан экологиялық сауаттылық пен мəдениетті насихаттау - Қарағанды қаласы, 93 гимназияның ұстаздары мен оқушыларына, ата-аналары мен əлеуметтік серіктестердің күн тəртібінде тұрған, экологиялық тəрбие беруде арқау болатын тақырыптардың бірі. Осыған орай "Жасыл Қазақстан" экологиялық апталығы бастау алып, бірінші күні "Ғаламшарды бірге сақтайық!" деген ұранмен бастауыш сынып, 5-сынып оқушылары қоршаған орта, ортақ үйіміз - Жерді аман сақтап қалуды дəріптейтін анимациялық роликтер көріп, суретпен бейнелеп, алыс көкжиекке ұмтылған зерделі ойларымен бөлісті, асқақ армандарын паш етті. Зеректігі мен қоса сауаттылығы мəлім болатын оқыту тəсілі - экологиялық диктант арқылы білімдеріне білім қосты, ой-өрістерін кеңейтті. Ең бастысы - экологиялық мəдениетін шыңдады, келешек көкжиегіне кемел мұрат-мақсаттар қойды.
