АТЫ АҢЫЗҒА АЙНАЛҒАН ҚОЛБАСШЫ
Бауыржан Момышұлының тұлғасы қазақ жастары үшін қашанда тамаша үлгі, керемет өнеге. Жастарымыздың бойына елжандылық, асқақ рух сезімдерін қалыптастырар болсақ, аты аңызға айналған, қолбасшылық даналығы əлемніің бірқатар елінің əскери доктринасына арқау болған, үлгі болған қолбасшы Бауыржан Момышұлының, жазушы Бауыржан Момышұлының өмірі мен қаһармандығы негізінде тəрбиелеу маңызды. Осыған орай Қарағанды қаласы 93 гимназияның 7ші қазақ сыныптарында "Орыс тілі жəне əдебиет" пəні бағдарламасына сəйкес А.Бектің "Волоколамское шоссе" повесінің желісі бойынша танымдық-шығармашылық виртуалды "кездесу сабақ" өткізілді. Сабақтың басты мақсаты - жасөспірімдерге биік рух пен елжандылық, адамгершілік пен сарбаздық намыс ұғымдарын түсіндіру, олардың өмірде алар орнын анықтау. "МЕНІҢ БАУЫРЖАН МОМЫШҰЛЫМЕН КЕЗДЕСУІМ" тақырыбындағы эссе жазуға ұласқан сабақ барысында жастар аңыз адамға қатысты сауалдарға жауап беріп, қолбасшы тұлғасына қатысты аңыз болып кеткен бірнеше қызықты мəліметтер мен фактілерді келтірді. Қазақ халқының маңдайына біткен қаһарман қолбасшы - жастарға рух береді, намысын қайрайды. Ер есімі - ел есінде!
