ҚАМҚОРЛЫҚ ЖАСАУ - АДАМДЫҚ ПАРЫЗЫҢ
Игі істер атқаруға, қайырымдылық жасауға асығу, қамқорлыққа зəру жандарға дер кезінде демеу болу, көмек қолын созу - тəлім мен тəрбиенің, адамгершілік жолының бастауы. Осы қағидаларды сіңіріп өскен Қарағанды қаласы, 93 гимназияның Өзін-өзі басқару органы Парламентінің "Патриот" жəне "Қамқорлық" фракциялар жетекшілері КЕНЖЕБАЕВА ДАНАРА, КУДРАВЕЦ ВЕРОНИКА жəне БАЗИЛЕВ ЛЕВТІҢ ұйымдастыруымен қайырымдылық акциясы өткізілді. Басты игі мақсат - мүмкіндігі шектеулі жандарға материалдық жəне моральдық қолдау көрсету. Мақсаты зор, арманы асқақ Нурик біздің балалармен кездесу барысында өзінің қаншама жалынды жоспарларымен бөлісті, армандарын ашып айтты. Жастардың өзара емен-жарқын сұхбаты барысында ақыл-парасаттарының деңгейін аңғардық, үлкен жүректерінің сырын байқадық. Кез келген бозбалаға тəн арманшылдық пен болашаққа деген қиялдарын ортаға салған Нурикке гимназияның басшысы мен педагогтері, оқушылар мен ата-аналар атынан ақжарма тілектерімізді жолдаймыз! Біз - біргеміз!
