#адалұрпақ
АДАЛ ҰРПАҚҚА - АДАЛДЫҚ, ПАРАСАТ, СЕНІМ
Жас өрендердің өсіп өркендеуінде алдыңғы толқын - ағалар тағылымы өте маңызды. Ұлдарымызға ұлағат, қыздарымызға инабат тəлімін ұрандатпай, жүйелі, бірізділікпен сіңіртуге елімізде жан-жақты насихатталып жатқан "Парасаттылық сағаттарының" маңызы артып келеді. Ең басты мақсаты - өскелең ұрпаққа адалдық, парасаттылық, ізгілік дəнін сеуіп, нағыз патриот жастар буынын тəрбиелеу. Осындай биік мұратқа жету жолында Қарағанды қаласы, 93 гимназияның Өзін-өзі басқару органы "Адал ұрпақ" клубының жоспарына сəйкес 7-сəуірде онлайн режимде ZOOM платформасында 10А, 10Б, 10В сынып оқушыларының басын қосқан "ПАРАСАТТЫЛЫҚ САҒАТЫ" өткізілді. "Парасаттылық сағаттың" құрметті қонағы əрі спикері - қалалық Маслихаттың депутаты, қала əкімі жанындағы əйелдер мен отбасы демографиялық саясат комиссиясының мүшесі, "Нұр Отан" партиясының мүшесі, Қарвғанды облысы Сыбайлас жемқорлыққа қарсы Департаментінің мониторингтік тобының мүшесі КАМАЛИ ЖІБЕК КАМАЛИҚЫЗЫ жəне гимназиямыздың "АДАЛ ҰРПАҚ" клубының Президенті КӨПБОСЫН ДИАС. Модераторы - директордың тəрбие жұмысы жөнінде орынбасары Омарова Бақыт Қазақбайқызы.
'Парасаттылық сағат" спикерлері қозғаған мəселесі, əлбетте, сыбайлас жемқорлыққа қарсы мəдениет қалыптастыру жолында өрбіді, тақырып бойынша жастарды толғандырған сауалдарға тұшымды жауап берілді, кемел келешек көкжиегіне көз тікті.
Еңселі ел ертеңі бүгіннен басталады!
