#kargooвсемирныйденьздоровья
"ДЕНСАУЛЫҚ - ЗОР БАЙЛЫҚ"
Осындай ұранмен өткен Дүниежүзілік Денсаулық күні Қарағанды қаласы, 93 гимназияның барлық оқушылары мен педагогтерінің есінде қалатыны сөзсіз. Адам баласының өніп-өркендеуіне бірден бір арқау болатын денінің саулығы екенін бүгінгі іс-шаралар барысында тағы бір көз жеткізген қатысушылар салауатты өмір салтына, спортқа деген ынта-жігерлерін бір шыңдап алды. Физикалық қозғалыстың пайдасын жан-жақты көрсеткен өрендер, оның интеллектуалдық қабілетті де дамытып шыңдауына қосатын үлесін зерттеп зерделеді. "Дене шынықтыру" кафедрасының ұйымдастыруымен өткізілген Дүниежүзілік Денсаулық күні баршамызға ой тастап, өз денсаулығымызға қатысты игі істерге бастама болды.
Кезең кезеңімен өткен спорттық, интеллектуалдық іс-шаралар бастауыш, орта буын, жоғары сынып оқушылары арасында қызықты да пайдалы жарыс-сайыс, байқау-бəйгелерімен ерекшеленді. Бастауыш сыныптар мен орта буын оқушылары арасында спорттық ойындар, қозғалыс ойындары, ұзындыққа секіру мен қатар интеллектуалдық сайыстар да мəресіне жетті. Олар: спорт туралы мақал-мəтелдер сайысы, халық медицинасы туралы викториналар т.б. Əсіресе есте қаларлықтай болғаны 5-сыныптар арасында "Спорттық атысу" ойыны. Ең кішкентай балақайлар - 1-сынып оқушылары да қалыспай өздерінің шымырлығы мен жылдамдықтарын, ептіліктерін спорттық эстафета жарысында паш етіп, мəре-сəре болды. Ал жоғары сынып оқушылары кір көтеруден жарысып, күш атасы кімге қонғанын өзара анықтады. Педагогтер арасында да өткен спорттық сайыс-жарыс қызықтары өзіндік мəнімен есте қалды. Ең бастысы - Дүниежүзілік Денсаулық күні əрқайсымызға ой салды, өз денсаулығымызға назар аудартты, салауатты өмір салтын ұстанудың, спортпен айналысудын мəн-мағынасын айқындай түсті. Деніміз сау, жұртымыз тыныш болсын!
