Алғыс айту күніне! Бүкіл еліміз бойынша өткізіліп отырған "Туған жерге мың алғыс " атты челленджге өз үнімді қосуды парыз санадым. Әсіресе, зейнет жасына келгендерге өткен өмірге көз тастап, өміріңді саралай бастасаң, сенің адам болып қалыптасуыңа себепші болған, жол көрсеткен, жөн көрсеткен одан қалды өмірді әрі қарай сүруге талпыныс беретін жандар бар екеніне көзің жететіні анық. Сен қоғамда жаңғыз өмір сүріп жатпаған соң, жан- жағыңдағы адамдар және болып жатқан оқиғалар сенің тұлға болып қалыптасуыңа көп септігін тигізеді. Алдымен Алланың қалауымен өмірге әкелген аяулы ата-анама, қолыма қалам ұстатып білім нәрін берген ақылды ұстаздарыма, қасыңда қоғамдасып бірге жүрген адал достарыма, сенің маман екеніңді мойындаған әріптестеріме, бір тілім нанды бөліп жеген көршілеріме, аналық махаббатты сездірген балаларыма үлкен алғысымды білдіремін. Бүгінгі күнге келетін болсақ, айналымды қоршаған, менің өмірімді қызықты етіп, қуанышқа бөлеген кішкентай немерелеріме, оларды үлкен өмірге дайындап жатқан өмірлерінің бір бөлшегіндей болған ұлағатты ұстаздарына алғысым шексіз! Бәрінен де қазақ қоғамында өмір сүріп жатқаным үшін еліме үлкен рахметімді айтамын! "Қазақ болмасам не істер едім"- дегенді естігенде "Жоқ мен қазақпын" - деп кеудені мақтаныш сезімі билейтінін кәйтерсін. Еліме, жұртыма, ата- бабаларымызға, қоғамды дұрыстайтын болашақ ұрпаққа үлкен рахмет! Қарағанды қаласы Тулегенова Жумагул Мусақызы Зейнеткер. Қарағанды қаласы,93 гимназияның 2 А сынып оқушысы ТУЛЕУБАЕВА АҚБАЛЖАННЫҢ апасының Алғыс айту күніне ақжарма тілектері! Қабыл алыңыздар!