2021 жылдың 26 ақпанында 93 гимназия КММ 5 б сыныбында қаржылық сауаттылық күніне орай "Қаржылық сауаттылық- балалық шақтан" тақырыбында пән мұғалімі Мусабекова Куляш Амангельдиевна сабақ өткізді. Мақсаты: оқушылардың экономикалық білімін, танымдылық қабілетін арттыру, өз пікірін дұрыс, мәдениетті түрде жеткізе білуге тәрбиелеу. Сабақ барысында оқушылар қызықты сұрақтарға жауап беріп, ақша туралы түсініктерін кеңейтіп, ақшаны қалай тиімді жұмсау керектігі жайында өз ойларымен бөлісті. Сынып оқушысы Усербай Айымжан "ақша жетіспеушілігінің басты себебі- қаржылық сауатсыздық пен білімсіздіктің нәтижесі, ендеше, әрбір адам өз шығындарын ұқыпты зерттеп, қадағалап отыру керек" деп өз ойын ортаға салса, Кәусар, Саяна, Жұмабек, Нұрәлі өздерінің ата- аналары көмегімен ашқан депозиті бар екендігін мақтанышпен айтты. Сабақ өте тартымды, қызықты өтті.