Қарағанды қаласы, «№93 гимназия» КММ өткізген «АДАМДЫҚ БОРЫШЫҢ – ХАЛҚЫҢА ЕҢБЕК ҚЫЛ!» тақырыбындағы оқушылардың ғылыми-танымдық конференциясы «ШӘКӘРІМ – АБАЙ ДӘСТҮРІН ЖАЛҒАСТЫРУШЫ» секция жұмысы туралы (3-бағыт) Ұлы Абай тұлғасымен, шығармашылығымен сабақтасып жатқан бұл бағыттың да артқан рухани-танымдық жүгі осал емес еді. Жастар өрбіткен негізгі ой ауқымы - Абай мен Шәкәрім ұстанған дүниетанымдық арналар, ұстаз бен шәкірт арасындағы рухани байланыс, дәстүр сабақтастығы болғандықтан ақын Шәкәрімнің Абайдың сөз зерлеу мектебінен шыққандығы ізденістен туған жұмыстарға арқау болды. Өткен жыл – ұлы Абай ұлағатына арналғандығы бәрімізге аян, сондықтан биылғы жылдың шымылдығын әрі інісі, әрі шәкірті, ізбасары Шәкәрім Құдайбердіұлы тұлғасын жан-жақты зерттеулермен ашқанымыз ұлылар сабақтастығы, кемеңгер рухтар байланысы деп таныдық, қисынға дөп келетін заңдылық деп түсіндік. Бұндай өресі биік, мазмұны бай, маңыздылығы жоғары бағыттың тақырыптарын да ой-өріс елегінен өткен, түбегейлі ізденістің нәтижесі деп қабылдайсыздар деп сенеміз. Ал осындай терең ойлы ғылыми-танымдық мазмұн тұңғиығына бойлап, әділ де ашық тартыста бәсекелестеріне дес бермей алға шыққан жас ғалымдар қазылар шешіміне сәйкес келесі ретте биік жетістіктер тұғырынан орын алды: 1-орынды Жаңаберген Ажар, ШҚО, Семей қаласы №20 жалпы орта білім беретін дамыта оқыту мектебінің оқушысы; 2-орынды Жүнісова Сания, Қарағанды облысы, Нұра ауданы Ақмешіт ауылы С.О.Талжанова атындағы ЖОББМ оқушысы; Маралова Жанель, Қарағанды қаласы, «№ 92 гимназия» КММ оқушысы; 3-орынды Қалиахметова Арайлым, Қарағанды қаласы, «№25 ЖББОМ» КММ Максым Аружан, Қарағанды қаласы, «№23 ЖББОМ» КММ оқушысы; Ерасыл Ж.Ж., Қарағанды қаласы, «Ахмет Байтұрсынұлы атындағы №41 мектеп-гимназия» КММ оқушысы; Аипова Дильназ, Қарағанды қаласы, № 82 ЖББОМ оқушысы. Маңызы зор бұл бағыт жұмысының модераторы гимназиямыздың «Қазақ тілі мен әдебиеті» пәндерінің мұғалімі Сейтенова Гүлнар Жұмағалиқызы болса, конференция жұмысына басынан аяғына дейін қазылық жасаған қаламыздың «№32 ЖОББМ» ұстазы Аубакирова Шұғыла Жарқызы. Ілім-білімді, ғылымды кемел келешегімнің түп қазығы деп білген осы жастарға алар асуларыңыз алда болсын демекпіз!