"ӨНЕРГЕ ƏРКІМНІҢ-АҚ БАР ТАЛАСЫ..." Осынау хəкім Абайдың дана сөздері ғасырлар қойнауынан жолын тауып біздің заманымызда өрелі өнерге үндеп тұрғандай. Биыл Ұлы кемеңгердің 175 жылдық мерейіне орай Қарағанды қаласының "Сарыжайлау" өнер ордасы мен Республикамызға еңбегі сіңген мəдениет қайраткері Омарбекова Рымбала Кенжебалақызының бастауымен өткізілген балалар шығармашылығының "Фильм!Фильм!Фильм!" өнер фестивалі мəресіне жетті. Өнері мен дарындары ұшқындап тұрған, көздерінде оты бар 93 гимназия оқушыларының өнеріне тəнті болып, жоғары баға берген Əділ қазылар алқасының төрағасы, Мемлекеттік сыйлықтың лауреаты, театр корифейі Кеңес аға Жұмабеков жалпы гимназия ұжымына, осындай дарыны дара, өрелі өнер иелерін дайындап, баптап бəйгеге қосқан педагогтарға зор ілтифатын білдірді. Өнер Фестивалінің шарты бойынша "Көркем сөз" номинациясын өнерлі балаларымыздың басым көпшілігі - 16 оқушы таңдаған, осындай өресі биік өнерлі балаларды дайындаған дарынды педагогтар: АСҚАРОВА БАЛАУСА ТӨЛЕУХАНҚЫЗЫ, СЕЙТЕНОВА ГҮЛНАР ЖҰМАҒАЛИҚЫЗЫ, ТҰРАНОВА МАСАЙРА АЛТАЙҚЫЗЫ. "Сурет өнері" номинациясы бойынша 9 бала өнерін шыңдап, байқауға бағыттаған талантты педагог ЖУРСАЛИМОВА ГҮЛМИРА ОЛЕГОВНА. Əсем əуен мен ұлтымыздың құдіреті - домбыраның құлағында ойнайтын, ерекше өнерді дəріптейтін балаларды баптап бəйгеге қосқан музыкант-педагогіміз - МАҚАН РƏЗИЯ. Шеберлігі асқан, өнерлері тасыған педагогтарымызға мың алғыс! Құтты болсын! Дарыны дара оқушыларыңызбен алар асуларыңыз алда болсын!