"АСЫЛ - ТАСТАН, АҚЫЛ - ЖАСТАН" Педагогика саласын таңдаған бір топ жалындаған жастар алтын күздің алғашқы реңкімен біздің, Қарағанды қаласының 93 гимназиясының қасиетті табалдырығын аттаған еді. Білім беру мен тəрбиелеудің қыр-сырын теориямен бекітіп келген жас мамандар қайнаған мектеп өміріне кірісіп те кетті. "Жас келсе, іске" демекші, жастарымыз оқыту мен тəрбие берудің кез келген форматын игеріп практикалық тұрғыдан да кем түскен жоқ. Дегенмен...Бүгін жастарымыздың басын қосып, рефлексия-жиын өткізуді жөн көрдік. "Қалың қалай жас педагог? ". Осы сұраққа жəне басқа да жас педагогтарды толғандырып, ойландырып жүрген мəселелерге тоқталып, емен-жарқын, еркін түрде əңгіме-сұхбатымыз жарасты. Əрине, ең бірінші толғандыратын мəселе қашықтан оқыту жағдайында оқушы мен ата-аналар жүректеріне жол табу, оптималды қарым-қатынас орнату, онлайн сабақ беру т.б. Бірігіп ізденіске түскен жастар өз ойларымен бөлісіп, аз да болса, тəжірибелерін ортаға салды. Іздену, талқылау барысындағы небір ұшқыр креативті ойлары мен идеялары біраз игі істерге арқау болады деген сенімдемін. Сонымен қатар, 93 гимназияның өзіндік ерекшеліктеріне сəйкес жалпы оқыту мен тəрбиелеу саясаты түсіндірілді. Алға, жас педагог! Жастық жалыныңды сөндірме!