ОТБАСЫ ҚҰНДЫЛЫҚТАРЫ - ТƏРБИЕ КӨЗІ "Ұлы жол үйіңнің табалдырығынан басталады". Ұлт білімін сара жолға салып берген ғұлама педагог Ыбырай Алтынсариннің пайымдауынша "Адамгершілікке тəрбиелеу құралы - еңбек пен ата-ана үлгісі". Осы ұлағатты сөздерді басшылыққа ала отырып, Қарағанды қаласының 93 гимназиясының сынып жетекшілері онлайн режимде ата-аналар жиналысын өткізді. Күн тəртібінде қаралған маңызы зор өзекті мəселелер ата-аналар мен педагогтардың бір мақсат, бір мүдде жолында бірігіп, бірлесіп жұмыс атқарғандықтан оң шешімдерін тауып жатты. Ең бастысы қашықтан оқыту форматының мəселелері, үйде оқу барысында балалардың денсаулығы, компьютермен басқа да гаджеттермен жұмыс істеу барысында қауіпсіздік техника ережелерін, санитарлық-эпидемиялогиялық талаптарды сақтау, заң бұзушылықтың алдын алу туралы нұсқаулықтар берілді. Сонымен қатар, Отбасы күні қарсаңында өткізілгендіктен, ата-аналар жиналысында отбасы құндылықтарының рөлі туралы мəселе көтеріліп, педагогтар қауымы тарапынан ата-аналарға отбасы тəрбиесінің маңызы мен отбасы құндылықтары арқылы тəрбиелеу тетіктері айқындалып ұсынылды.