2020 жылдың 20 ақпанында «№ 93 гимназия» КММ Қарағанды облысы бойынша педагогикалық қызметкерлердің біліктілігін арттыру институтының тыңдаушыларының қатысуымен «ЖАҢАРТЫЛҒАН БІЛІМ МАЗМҰНЫ БОЙЫНША ОҚЫТУДЫҢ ТИІМДІ ЖОЛДАРЫ» тақырыбында облыстық семинар-практикум өткізілді. Семинардың мақсаты: орта білім беру мазмұнының жаңаруы жағдайында сабақты жоспарлау мен өткізу бойынша мектептердің педагогикалық қызметкерлерін кәсіби қолдау, тәжірибе алмасуға арналған пікірлесу алаңын құру. Семинар барысында Аубакирова Ш.С.– «№93 гимназия» КММ қазақ тілі мен әдебиеті пәндік кафедрасының жұмысын ұйымдастыру ерекшеліктері туралы баяндама оқыды. Сонымен қатар, пән мұғалімдері Зейтова А.А., Сейтенова Г.Ж., Мойлбекова Р.А. ашық сабақтар өткізіп, өздерінің іс-тәжірибесімен бөлісті. Зейтова А.А. – сабақ тақырыбы: «Ою». (1 Ж сыныбы). Сейтенова Г.Ж. – сабақтың тақырыбы: «Ұлттар достығының ұйытқысы» (7 А сыныбы) Мойлбекова Р.А. – сабақтың тақырыбы: «Қызыл кітапқа» еген жануарлар (8 Г сыныбы). Семинар соңында пән мұғалімдерінің сабақтары талданып, сабаққа қатысушылар ой бөлісті. Сонымен қатар семинар барысында семинар тақырыбына байланысты мұғалімдердің іс-тәжірибе алмасу мақсатындағы баяндамалары тыңдалды. Аяпбергенова Г.Қ. – «Өзге ұлт мектептерінде қазақ тілі сабағында тиімді әдіс-тәсілдерді қолдану», Елеусизова А.Қ. – «Жаңаша білім беру мазмұны – заман талабы». Семинар соңында білім беру үдерісін психологиялық-педагогикалық сүйемелдеу кафедрасының аға оқытушысы Айткенова М.Б. «Еркін микрофон» әдісі арқылы семинарды қорытындылады. Семинар барысында іс-тәжірибе бөлісуге белсене қатысып, шеберлік сабақтарын өткізгені үшін «№ 93 гимназия» КММ мұғалімдері Мойлбекова Р.А., Зейтова А.А., Сейтенова Г.Ж. «ӨРЛЕУ» БІЛІКТІЛІКТІ АРТТЫРУ ҰЛТТЫҚ ОРТАЛЫҒЫ АҚ ФИЛИАЛЫ ҚАРАҒАНДЫ ОБЛЫСЫ БОЙЫНША ПЕДАГОГИКАЛЫҚ ҚЫЗМЕТКЕРЛЕРДІҢ БІЛІКТІЛІГІН АРТТЫРУ ИНСТИТУТЫНЫҢ Алғыс хатымен марапатталды.