8 ақпанда №93 гимназияда "Өрлеу" БАҰО" АҚ филиалы Қарағанды облысы бойынша ПҚБАИ аға оқытушысы Айткенова Мөлдір Болатовнаның жетекшілігімен кезекті бір семинар өткізілді. Бұл семинарда Қазақстан Республикасының Президенті Қасым-Жомарт Кемелұлы Тоқаевтың "Абай және ХХІ ғасырдағы Қазақстан" атты мақаласы қарастырылды. Мемлекет басшысының ұлттық-стратегиялық және мемлекеттік-идеологиялық бағытта жазылған мақаласының өзегі - қазақтың дана тұлғасы Абай Құнанбайұлының 175 жылдығына байланысты Абайды тану мәселесі. Гимназия ұстаздары Президент мақаласы жөнінде өз көзқарастарын білдіріп, ой бөлісті.